Salgh Nekki D Usemmid
I iman n Dadda Muh Khaïr-Eddine
Ufigh ida nw gh tutlayt sigh icka w akal
Ugigh izli igh ittyagas s tazzit nw awal
Ukigh ar tamda n tidda ssengedgh aqellal
Usigh taghrart n unezgum ur gigh anafal
Sremgh asuru gh ughanim sul necca akuray
Frekgh usaru adelsan rwasgh Afulay
Rzemgh i idels Amazigh askerf agellay
Rgelgh ul sw asad aqbur ssutelgh igwellay
Slagh nekki d usemmid ay ghaman gh igherman
Ur ssatunegh imendi is ukigh gh ighwerman
Afud irmi yamum nemrured f ighwemran
Ighwerman yad necca haten id is agh meran
Amazigh azidar argan akww ayerwas
Igh yad yakuf gh gar azemz ra ilkem awettas
Azur issen nit azru lli ikka s ugharas
Rad sul isw yut s ufraw iferk i kerkas
Farid Mohamed Zalhoud
Aday Tafraout