Ar sawalen …ar sawalen
I iman n Mohamed Behri
Ar sawalen ar sawalen
Kra nnan yawit uzwu s urwass
Ar kkaten ar kkaten
Taghruct kra ila w ass
Ar ssaden ar ssaden
Anufel ad idda s tillas
Ar lladen ar lladen
Sssenn nit is gigh aghwilas
Ar qqazen ar qqazen
Ur akkw dufen ineflas
Ar smittiwen ar smittiwen
Ametta win ikerkas
Ar ttazzalen ar ttazzalen
Mad ttmetran hann nferkas
Ar ttemaghen ar ttemaghen
Ad gin izakaren attas
Ar ttaghen ar ttaghen
F Imazighen kra ila useggwas
Ar sawalen ar sawalen
Ad agh akkw glin s urwass
Zalhoud
Aday Tafraout