Ul irghan d ufus ikruran

Ul irghan d ufus ikruran

I gwma Lhoussaïn Azergui



Yuker iziker aman akal awal ad neghan
Igh ufan azwu gh nettan is ratt akkw awin
Ar igh afuden Imazighen ssenfun gh inaghan
Ad ur ighal imezdi is issens tifawin

Waghris ad tega tsertit nes afraw kad utent
Azur nettan rezan gh ida gh ufan aman
Iferk w arraw Amazigh tawwuri issen tent
Isfaw tirra n umezruy gh tillas n igherman

Iziker gh udar d ufus angha ann ighaman
Ad sis yall umedyaz taghuyyit igh ufan
Ad as issefeld umadal issen mas nnan
Tudert nek ay Amazigh taffa n usennan

Ha Kahina ha Yuba Yugerten gh nettan
Ha Tamazgha ar tesawal s ils n Ufulay
Urin iqburen as inegi usaru n umattan
Ul irgha afus ikrura asuru f ugellay


Farid Mohamed Zalhoud

Aday Tafraout